8 të vdekur nga COVID-i, shënohen 88 raste të reja

               8 persona kanë vdekur në 24 orët e fundit nga COVID-19, kurse janë shënuar 88 raste të reja. Sot janë shëruar 651 qytetarë, derisa numri i përgjithshëm i të shëruarve është 152 mijë 62.

Njoftimi i plotë:

25 Shtator 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon: Në 24 orët e fundit janë dhënë 15.718 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.257.671 doza të vaksinës. Deri më sot 493.794 qytetarë janë vaksinuar me dozën e dytë. Nga 4.704 testime, 88 qytetarë kanë rezultuar pozitiv me virusin COVID-19.  Gjatë 24 orëve të fundit, janë shënuar 8 raste të vdekjes.  Sot janë shëruar 651 qytetarë, derisa numri i përgjithshëm i të shëruarve është 152.062.  Në total numri i rasteve aktive është 4.800.