Çaste poetike me poeten;- Xhevrije Kurteshi NIMANI

SHPRESA

————————–

Sot u zgjova me shpresën

E një dite të re, të bardhë

Nuk e di nga më erdhi kjo fuqi

Ndoshta nga ëndrra për shërimin

E plagëve të atdheut

Ka kohë që ëndërroj e lutem për ty

I shtrenjti im atdhe

Të të shoh një ditë nuse me kurorë

Të të puth në ballë

E të të them

Ma gëzofsh bashkimin

Shpresën kurrë nuk e humba

Sepse besoj se një ditë

Do të zgjohet kënga e lashtë

Do të hidhet vallja pellazgjiane

Dhe ne, të gjithë së bashku

Do t’i ngremë gotat për jetë e mot

Qofsh e bekuar, moj Shqipëri

Bijë e lashtësisë

Ne rrënjë ilire e pellazgjiane

Dhe me një zemër që s’di të vdes.

/QendraPress/