Fryma poetike e së dielës me poetin:Çerkin BYTYÇI

GJYSHJA QË KËNGA E KTHEN NË RINI

————————————————————

Gjyshja, për art, gjuhë e matematikë

është e para; nuk ia kalon kush dhe pikë.

E, amvisënia, punëdorja dhe historia,

si për Xhanin, janë edhe shoqe të mia.

Kur i fola për çelësin e basit e të violinës

spjegimet në heshtje i kaluan pas shpinës.

Çelësat e muzikës, Gjyshja nuk i kupton dot,

e të bisedojmë për ta mendova se është e kot.

Por, kur ia këndova këngët që unë i di

sytë iu përlotën për kohën që ka nostalgji.

-Zemër moj, më ktheve në ditët në rini,

çelësat muzikorë i paskam mësuar po si ti.

Që Gjyshja ka harruar nuk është fajtore

60-vite i kanë ikur nga shkolla fillore.

Ndaj, e ngazëllyer iu falënderua mbesës

që kujtimet ia zgjoi nga pluhuri i harresës.

(çerkin bytyçi, 25.03.2023)

/www.qendrapress.com/