Fryma poetike e së mërkurës me poeten;-Albulena LETAJ

DO TË DOJA

——————————–

Do të doja që për një çast

E vetme të qëndroj

Nuk dua t’jesh as ti

Nuk dua asnjë njeri

Vetëm për një çast

Tingujt e valëve t’i jetoj

Flladi i lehtë i mbrëmjes

Trupin t’ma përshkojë

Dua t’i flas për jetën

T’i tregoj për veten

Gjithçka që më mundon

Aty të përfundon

Nëse do të mundem

Të gjitha t’i trajtoj

Ti o ujë i kulluar

Më pastaj ti vendos për mua

Nëse do të më shpëtosh

Ose përgjithmonë do të më fundosësh

/www.qendrapress.com/