Fryma poetike e së mërkurës me poeten; Margarita Llapushi ZENELI
Ëndërr në fluturim..
Në fletët e librit
shpirti endet fillikat
kërkon pak qetësi, të ngrohet,
vargu e merr,arratiset në kujtime ,
ëndrrën zgjon
malli çapitet si fëmijë i vogël kur nënën kërkon,
Emocionet bëjnë rezistencë
strukur rrinë në një cep të zemrës,
grimcat e shpirtit
formojnë një fije të gjatë lidhëse,
vijnë e të marrin ty
tek mua të sjellin,
Imazhi yt më vjen magjishëm
më merr për dore,
zërat e shpirtit qeshin gëzueshëm
krahët e ëngjëllit veshim të dy
përqafuar nisemi në fluturim,
E gjithë bota është e jona
pafundësia është stolisur me ylbere dashurish
të gjitha mbajnë emrin tënd,
fjalët yjnore gërmëzuar në shpirtrat tanë
Endem si një pëllumb i bardhë kaltërsive
si në ëndërr yjet më shtrohen dhe….
peshë më mbajnë ,si në përrallë
mbi petale të trëndafilta ëndërroj ,
Kërkoj prekjen tënde , përqafimin tënd
një gjak na mban të lidhur përgjithmonë
si lastare nimfash,
Malli im kthyer në shi , në borë që ngrin
dimër,brenda dhe jashtë
Ti , ëndërr në fluturim
mburojë e ditëve të mia
Përjetësuar tek unë si tempull i mirësisë….!
/www.Qendra Press.com/