Çaste poetike të së shtunës me poeten ;Ganimete Jakupi Demiri

NË DITËLINDJEN TËNDE

___________________________

Athua si ndjehesh mes miqsh,

Kur të gjithë do të jenë prezent,

Vallë a do të mendosh për mua,

Mungesën time a do ta ndjesh!…

Athua kush do ta zërë vendin tim,

Të këndosh e të kërcesh,

Vallë a do ta ndjesh mungesën time,

Edhe pse nuk mund të isha prezent!…

Athua me kënd do ta cakërrosh gotën,

T’i shijosh çastet më të lumtura,

Vallë a do të dehesh si një marrë,

Duke festuar me zemër plot mall!…

Athua qirinjtë kur t’i fikësh,

Do të mendosh një dëshirë për mua,

Vallë a do të jem unë qershia mbi tortë,

Të më thuash “Përjetë të dua”!…

Ganimete Jakupi Demiri, Zvicër.