E diela me poetin;Gëzim Ajgeraj

TI MBETE UDHË

Nga hija e jote si mbeti asgjë mallit

as edhe një copëz imazh

të ta ruaj kujtimin

harrimi i ka shkulur të gjitha gjurmët

mbi udhët e ecjes sate

jan tkurr sokaqet

edhe kujtesës së këngëve nëpër lagje

u është shuar zëri

nga pentagrami i mungesës

Ëndrrat e pritjes jan lëvjerrë avllive skaj udhës

e i bëjnë roje mbathcave të kthimeve

mbi rrjetë merimangash pikon malli

ti mbete udhë e arratisur

       Zvicër, Grabs, 2020

VRAPI PAS ËNDRRËS

Kur të të marrin udhët

Edhe i harruar mundë të mbetesh

Kthimit si dihet kurrë

Duke e ndjekur ëndrrën

Nata mundë të të zë në shretëtirë

E dita të të gjejë edhe pa varr

Atje largë ku ti ndjek mashtrimin tëndë

Edhe dielli ajri e toka jan të huajat

Ti dhe vetmia e jote jeni një

Një ditë ëndrra e jote mundë të të shuhet

Edhe qiriu ytë të të fiket

Pa ia parë shkëndijën e fundit askush

Jo më kot vrapit pas ëndrrës i thuhet harrim

              Bibione, 22 korrik 2020