Tërmeti në Lezhë – alarmohen disa pushues në Shëngjin, dalin nga banesat dhe hotelet
Lëkundje të forta tërmeti janë regjistruar mbrëmjen e sotme në qytetin e Lezhës.Sipas të dhënave paraprake nga IGJEUM, tërmeti ka qenë me magnitudë 4.2 të shkallës Rihter, me epiqendër 3 km në veriperëndim të Lezhës, ndërsa si pasojë e lëkundjeve të forta banorët kanë dalë jashtë banesave të alarmuar. Raportohet po ashtu se lëkundjet e tokës janë ndier të forta edhe në Kurbin, ndërkohë që, momentalisht nuk raportohet për dëme materiale.
